スワヒリ語（Kiswahili）

Wasifu wa Shule ya Sekondari ya Juu ya Keio Shiki

"Keio Gijuku no Mokuteki (Dhamira ya Keio Gijuku)" Yukichi Fukuzawa

Keio Gijuku haitaridhika na kuwa shule ambayo ni kama shule nyengine zinazopatikana kokote. Keio Gijuku ni shule yenye dhamira ya kulea wanafunzi na wahitimu kuwa "chimbuko la hadhi ya utu" na "mfano wa kuigwa wa uwezo wa kufikiri na maadili" nchini Japani. Kimsingi, shule hii inatarajia kwamba wanafunzi wake na wahitimu watakuwa na familia thabiti na kupata kipato chao kwenye jamii, pamoja na kuonyesha wazi umuhimu wa kudumisha uhuru wa taifa na kuwa "viongozi wa jamii," sio tu kwa kulizungumzia hilo, lakini kwa kuchukua hatua wao wenyewe.

Mwezi Oktoba mwaka 1858, Yukichi Fukuzawa (1835-1901), ambae baadae aliandika makala kadhaa ikiwemo "Gakumon no Susume (Ushawishi wa Kujifunza)" na "Bunmeiron no Gairyaku (Muhtasari wa nadharia ya Ustaarabu") na ambae alikuwa kiongozi wa Japani mpya katika nyanja mbali mbali kama mtu mwenye weledi wa tafakuri, mwana taaluma na mwandishi wa habari, alifungua shule ndogo ya masomo ya Kidachi (baadae ilibadilishwa kuwa shule ya masomo ya Kiingereza) katika eneo la Edo (eneo ilipo Tokyo hivi sasa). Huo ndio mwanzo wa shirikisho la elimu la Keio Gijuku, ambapo taasisi kuu iliyoundwa nayo ni Chuo Kikuu cha Keio, chenye historia ndefu ya kuwa chuo kikuu binafsi kikongwe zaidi nchini Japani. Dhamira iliyowasilishwa hapo juu ya "Keio Gijuku no Mokuteki (Dhamira ya Keio Gijuku)" ni sehemu ya hotuba ya muasisi aliyoitoa mwezi Novemba mwaka 1896 (Meiji 29), na inajuulikana kote kuwa ndio muongozo unaonyesha kwa ufasaha na kwa ufupi malengo ya Keio Gijuku.

Shule ya Sekondari ya Juu ya Keio Shiki ilianzishwa kama shule ya kuendeleza utamaduni wa Keio Gijuku na kama sehemu ya shirikisho hilo katika mji wa Shiki katika Mkoa wa Saitama. Shule hiyo ilikuwa awali Shule ya Sekondari ya Juu ya Kilimo ya Keio, iliyofunguliwa mwezi Mei mwaka 1948. Shule hiyo ilifunguliwa kwenye maeneo ya Chuo Kikuu cha Utabibu na Upandikizaji wa Wanyama ambayo ilihamishiwa kwenye eneo la Shiki kufuatia ardhi na jengo la Taasisi ya Utafiti ya Toho Sangyo kutolewa na Yasuzaemon Matsunaga (1875-1971), ambae ni mhitimu wa Keio Gijuku, kwa Keio Gijuku mwezi Septemba mwaka 1947. Shule ya Sekondari ya Juu ya Kilimo ya Keio baadae iligeuzwa kuwa shule ya sekondari ya masomo yote katika mwezi Aprili mwaka 1957 kwa kubadilishwa jina na kuitwa Shule ya Sekondari ya Juu ya Keio Shiki, jina ambalo linatumika hadi sasa. Ni shule ya wavulana, ambapo takriban wahitimu wake wote huingia katika Chuo Kikuu cha Keio kwa pendokezo la mwalimu mkuu wa shule (takriban wanafunzi 250 kila mwaka).

Leo hii, Shule ya Sekondari ya Juu ya Keio Shiki ina eneo la mita mraba 107,345 na majengo yenye njenzo kamilifu. Ina mandhari mazuri ya asili ikiwemo msitu mzuri wenye masalia ya Musashino. Shule hiyo inatumia vyema mazingira yake yenye wigo mpana na kubuni mitaala maalum ambayo mara nyingi huendelea hadi kiwango cha chuo kikuu cha masomo ya sayansi ya jamii bila ya kujifunga kwenye masomo maalum ya mataarisho ya mitihani ya kuingilia chuo kikuu, wakati huo huo ikiheshimu sifa na upekee wa kila mwanafunzi. Ikiwa na wahitimu wake katika nyanja mbali mbali katika jamii, mpango wa elimu wa Shule ya Sekondari ya Juu ya Keio Shiki unaheshimika kote nchini Japani. Hata hivyo, licha ya kuridhika na mafanikio hayo, wafanyakazi wa Shule ya Sekondari ya Juu ya Keio Shiki wanaendelea kupigania maendeleo zaidi kila siku chini ya miongozo ya malengo na dhamira za elimu, kama hivi ifuatavyo:

Dhamira ya Shule ya Sekondari ya Juu ya Keio Shiki

Dhamira ya Shule ya Sokondari ya Juu ya Keio Shiki ni kutoa elimu ya sekondari ya juu kwa wanafunzi kwenye ngazi ya awali katika matayarisho ya elimu yao katika Chuo Kikuu cha Keio, kwa mujibu wa falsafa ya muasisi wake Yukichi Fukuzawa. Ili kufikia lengo hilo, walimu wetu wamekita juhudi zao katika kutimiza malengo haya manne ya elimu:

Shule ya Sekondari ya Juu ya Keio Shiki ipo dakika 90 kutoka uwanja wa ndege wa Narita, kiasi cha dakika 70 kutoka uwanja wa ndege wa Haneda, takriban dakika 50 kutoka kituo cha treni cha Tokyo na dakika 30 kutoka kituo cha treni cha Ikebukuro. Eneo letu ambalo ni rahisi kufikika linavutia wanafunzi kutoka maeneo mbali mbali ya nchi ikiwemo Mikoa ya Kanagawa na Chiba, pamoja na Tokyo na Saitama. Mbali ya kujishughulisha na masomo, wanafunzi wengi hujishughulisha na shughuli kwenye klabu za wanafunzi, kufanya matamasha mbali mbali kama Tamasha la Mavuno (Tamasha la Shule), na kuonyesha uwezo wa wanafunzi unaokwenda sambamba na falsafa ya "kujitegemea na kujitambua" iliyoanishwa na Yukichi Fukuzawa.
Kwa mujibu wa maelezo hayo yaliyoainishwa, wasifu wa Shule ya Sekondari ya Juu ya Keio Shiki unaweza kuelezewa kwa ufupi, kama ifuatavyo:

Sifa maalum za Shule ya Sekondari ya juu ya Keio Shiki

Historia ya Shule